پەیام

لە ڕۆژانی ڕابردوودا، لانیکەم 40 هاووڵاتی دانیشتووی ناوچەی شمیراناتی شاری تاران، لە لایەن دەزگای قەزایی ڕژیمەوە بە تۆمەتی “بەرکارهێنانی ئامێری ستارلینک” ڕووبەڕووی حوکمی قەزایی بوونەتەوە.

بەپێی ڕاپۆرتەکان، دارایی 108 هاووڵاتی لە پارێزگاکانی خۆراسانی ڕەزەوی و گوڵستان، لە لایەن دەزگای قەزایی ڕژیمی کۆماری ئیسلامییەوە دەستی بەسەردا گیراوە.

ڕۆژی شەممە 9ی جۆزەردانی 1405ی هەتاوی، “سپیدە قوڵیان” بەندکراوی سیاسی، پاش کۆتایی هاتنی ماوەی بەندکرانەکەی، لە زیندانی وەکیل ئابادی مەشهەد ئازاد کرا.

ڕۆژی ڕابردوو، پەرەستارانی دانیشتووی شاری یەزد، بە هۆی بایەخ نەدانی بەرپرسانی ڕژیمی کۆماری ئیسلبامی بە دۆخی ژیان و مەعیشەتیان، ناڕەزایەتییان دەربڕیوە.

لە ڕۆژانی ڕابردوودا، دوو بەندکراو لە زیندانەکانی ڕژیمی کۆماری ئیسلامی بە تۆمەتی تاوانە کۆمەڵایەتییەکان، بە بێ ئاگاداری بنەماڵەکانیان لەسێدارە دراون.

ڕۆژی شەممە 9ی جۆزەردان، “فروزان نەوجەوان” چالاکی فەرهەنگی و مامۆستای زمانی ئینگلیسی بە دانانی بارمتە بە شێوەیەکی کاتیی لە زیندانی ناوەندی شاری ورمێ ئازاد کرا.

بەپێی دوایین زانیارییەکان، دوو هاووڵاتی بەندکراو لە زیندانی ناوەندی شاری بۆکان بە ناوەکانی “ڕەئوف شێخ مەعروفی و محەممەد فەرەجی”، حوکمی سێدارەکانیان لە لایەن دادگای باڵای وڵاتەوە پەسەند کراوە.

لە ڕۆژانی ڕابردوودا، هاووڵاتییەکی خەڵکی شاری دیهلوران بە ناوی “زەهرا محەممەد وەلی” لە لایەن هێزە ئەمنیەکانەوە دەستبەسەر و هێشتا چارەنووسی دیار نییە.

ڕۆژی شەممە 9ی جۆزەردانی 1405ی هەتاوی، هاووڵاتییەکی خەڵکی شاری مەریوان لە لایەن هێزە ئەمنیەکانی ڕژیمی کۆماری ئیسلامییەوە دەستبەسەر و ڕەوانەی شوێنێکی نادیار کراوە.

دانوستانەکانی نێوان کۆماری ئیسلامیی ئێران و ویلایەتە یەکگرتووەکانی ئەمریکا، سەرەڕای چەندین گەڕی گفتوگۆ لە عومان، ئیسلام‌ئاباد و دەوحە، هێشتا ئەنجامێکی ئەوتۆیان لێ نەکەوتۆتەوە.