ڕۆژی یهكشهممه ١١ی سهرماوهزی ١٤٠٣، پهرهستاران و كادری دهرمانی نهخۆشخانهی گوڵستانی ئههواز، له ناڕهزایهتی به دۆخی خراپی پیشهیی و مهعیشهتی دهستیان له كار كێشا و مانیان گرت.
ڕۆژی یهكشهممه ١١ی سهرماوهزی ١٤٠٣، خانهنشینكراوانی تهئمیین ئیجتیماعی له شارهكانی ئههواز، شووش و تاران بۆ جارێكی دیكه دژ به دۆخی خراپی مهعیشهتی كۆبوونهوه.
خانهنشینكراوانی مهعدهن و فولاد، ڕۆژی یهكشهممه ١١ی سهرماوهز، له شارهكانی كرمان، تاران و ئیسفههان لهبهردهم سندووقی خانهنشینی دا كۆبوونهوه.
ڕۆژی یهكشهممه ١١ی سهرماوهز، دهوڵهتی مهسعوود پزیشكیان به فهرمی یاسای كۆنهپهرهستانه و نایاسایی حیجاب و عیفافی ڕوو له كۆمهڵگا و ناوهنده دهوڵهتیهكان ڕاگهیاند.
له درێژهی گوشاری ناوهنده ئهمنیهتیهكانی ڕژیم، دهستهی بهرهنگاربوونهوه لهگهڵ ههڵه ئیداریهكانی ئامووزش و پهروهرشی مازهندهران، بیتا قهنبهری موعهلیمی دڵسۆزی خهڵكی شاری بابۆلی بۆ ماوهی دوو مانگ له كار دوور خستهوه.
بهیانی یهكشهممه ١١ی سهرماوهزی ١٤٠٣، سزای سێدارهی بهندكراوێكی خهڵكی كرماشان به ناوی “سیرووس جهعفهری” له زیندانی لاكانی ڕهشت جێبهجێ كرا.
ژنێكی قوربانی توندووتیژی خێزانی به ناوی “سهحهر بووجار” لهلایهن هاوسهرهكهیهوه به سهختی بریندار و ڕهوانهی نهخۆشخانهی شاری سنه كرا.
ڕۆژی شهممه ١٠ی سهرماوهز، بهندكراوێكی سیاسی پێشوو به ناوی ئهكبهر باقری، بۆ جارێكی دیكه لهلایهن هێزه ئهمنیهتیهكانهوه دهستبهسهر و ڕهوانهی زیندانی ئێڤین كرا.
ڕۆژی ههینی ٩ی سهرماوهزی ١٤٠٣، مێرمنداڵێكی بهلووچ به ناوی ئیسماعیل بهلووچی، تهمهن ١٦ ساڵ به تهقهی هێزهكانی حكوومهت گیانی لهدهست دا.
عهلیڕهزا كازمی وهزیری ئامووزش و پهروهرشی ڕژیم ڕۆژی شهممه ١٠ی سهرماوهز ڕایگهیاند: ٧٥٠ ههزار قوتابی له سهرانسهری ئێران له پڕۆسهی خوێندن دووركهوتنهتهوه.
