مالپەری پەیام

ڕۆژی یه‌كشه‌ممه‌ ٤ی سه‌رماوه‌ز، بازاڕیانی شاری كاشان له‌ ئاست بڕانی به‌رده‌وامی كاره‌با ناڕه‌زایه‌تیان ده‌ربڕی و له‌ ناوه‌ندی بازاڕ دا كۆبوونه‌وه‌.

له‌ ڕۆژانی ڕابردوودا، كۆمه‌ڵێك له‌ ئه‌ندامانی سه‌ندیكای كرێكارانی شیركه‌ت واحدی تاران و خانه‌نشینكراوان سه‌ردانی بنه‌ماڵه‌ی داوود ڕه‌زه‌وی، چالاكی كرێكاری به‌ندكراویان كرد.

به‌پێی ڕاپۆرتی كانوونی مافی مرۆڤی ئێران، ده‌زگای قه‌زایی ڕژیم سزای زیندانی به‌سه‌ر “عاتفه ڕه‌نگڕیز” له‌ دامغان و “عه‌لی ته‌یمووری” له‌ كه‌ره‌ج سه‌پاندووه‌.

به‌پێی زانیارییه‌كان، داواكاری پێداچوونه‌وه‌ به‌ حوكمی سه‌پێندراو به‌سه‌ر ئیسماعیل گرامی، چالاكی كرێكاری به‌ندكراو له‌ زیندانی ئێڤین، له‌لایه‌ن ده‌زگای قه‌زایی ڕژیمه‌وه‌ ڕه‌د كراوه‌ته‌وه‌.

ڕۆژی شه‌ممه‌ ٣ی سه‌رماوه‌زی ١٤٠٣، نوێنه‌رانی كۆمیته‌ی دۆزینه‌وه‌ی ڕاستیه‌كانی سه‌ر به‌ نه‌ته‌وه‌یه‌كگرتووه‌كان له‌گه‌ڵ بریندارانی شۆڕشی ژینا له‌ ئاڵمان دیداریان كرد.

له‌ وڵاتانی فه‌رانسه‌ و پێرو، به‌ هه‌زاران كه‌س به‌ به‌ده‌سته‌وه‌گرتنی پلاكارد و وتنه‌وه‌ی دروشم، ڕۆژی ٢٥ی نۆڤامبه‌ریان به‌رز ڕاگرت و خوازیاری كۆتایی هێنان به‌ توندووتیژی دژ به‌ ژنان بوون.

ڕۆژی یه‌كشه‌ممه‌ ٤ی سه‌رماوه‌زی ١٤٠٣، خانه‌نشینكراوانی ته‌ئمیین ئیجتیماعی له‌ شاره‌كانی كرماشان، تاران، ئه‌هواز و شووش بۆ جارێكی دیكه‌ دژ به‌ دۆخی خراپی مه‌عیشه‌تی كۆبوونه‌وه‌.

پوریا ئه‌حمه‌دی، چالاكی مه‌ده‌نی خه‌ڵكی سنه‌ به‌ مه‌به‌ستی تێپه‌ڕكردنی ماوه‌ی شه‌ش مانگ حوكمی زیندانی ده‌ستبه‌سه‌ر و ڕه‌وانه‌ی به‌ندیخانه‌ی ئێڤین كرا.

به‌پێی ڕاپۆرتی كانوونی مافی مرۆڤی ئێران، دوو شارومه‌ندی خه‌ڵكی شاره‌كانی شنۆ و ورمێ به‌ ناوه‌كانی “مێهران حه‌سه‌نزاده‌” و “حه‌مید عه‌بدۆڵڵازاده‌” له‌لایه‌ن دادگای ئینقلابی ڕژیمه‌وه‌ به‌ ئێعدام مه‌حكووم كراون.

ڕۆژی یه‌كشه‌ممه‌ ٤ی سه‌رماوه‌ز، كوردانی دانیشتووی وڵاتی سویس و دۆستانیان به‌ بۆنه‌ی ٢٥ی نۆڤامبه‌ر، ڕۆژی به‌ره‌نگاربوونه‌وه‌ له‌گه‌ڵ توندووتیژی دژ به‌ ژنان خۆپێشاندانیان كرد.