لە ڕۆژانی ڕابردوودا سەرۆک کۆماری ئەمریکا ئاماژەی بەوە کردووە کە ئەگەری هەیە دانوستانەکانی ڕژیمی کۆماری ئیسلامی و ئەمریکا لە کۆتایی ئەم حەفتەیەدا دەست پێبکاتەوە.
بەپێی دوایین هەواڵەکان، “دۆناڵد ترامپ” سەرۆک کۆماری ئەمریکا ئاماژەی بەوە کردووە کە ڕژیمی کۆماری ئیسلامی قەبووڵی کردووە کە پشتیوانییەکانی لە گروپە تیرۆریستییەکانی حەماس و حیزبوڵڵای لوبنان کۆتایی پێ بهێنێت و هەروەها جەختی لەسەر ئەوە کردووەتەوە کە لەگەڵ بەرپرسانی ڕژیم لە سەر بابەتی ڕادەست کرانی ئۆرانیۆمی پیتێندراو ڕێککەوتوون. ئەمە لە کاتێکدایە کە زیاتر لە یەک ملیارد دۆڵاری سپای پاسدارانی ڕژیمی کۆماری ئیسلامی کە لە بانکێکی بریتانیادا ڕاگیرابوو، لە لایەن وەزارەتی دارایی ئەمریکاوە دەستی بەسەردا گیراوە و هەروەها سەرۆک کۆماری ئەمریکا ئاماژەی بەوە کردووە کە تا کاتی واژۆکرانی ڕێککەوتنێک لەگەڵ کۆماری ئیسلامی، درێژەی بە گەمارۆکەیان لە سەر ئاوەکانی کەنداوی فارس و دەریای عومان دەدەن.
