15
وەزارەتی خەزێنەداریی ئەمریکا ڕایگەیاند: نزیکەی ٥٠٠ ملیۆن دۆلار دارایی دیجیتاڵیی پێوەندیدار بە حکومەتی ئێرانی بلۆکە کردووە.
بەپێی ڕاگەیاندنی بەرپرسانی ئەمریکایی، لە کۆی نزیکەی ٥٠٠ ملیۆن دۆلار دراوی دیجیتاڵیی دەستبەسەرداگیراو، ٣٤٤ ملیۆن دۆلاری تەنیا لە مانگی ڕابردوودا بلۆکە کراوە. ئەم هەنگاوە وەک بەشێک لە هەوڵە بەربڵاوەکانی واشینگتۆن بۆ بەرەنگاربوونەوەی بەکارهێنانی ڕۆژ لە دوای ڕۆژی تۆڕە داراییەکان لەلایەن کۆماری ئیسلامییەوە لەقەڵەم دراوە. ڕاپۆرتەکان هەروەها نیشانی دەدەن کە ئێران نزیکەی ٧.٧ ملیار دۆلار دارایی دیجیتاڵیی لەبەر دەستدایە و لە ساڵانی ڕابردوودا بەکارهێنانی دراوە دیجیتاڵییەکانی بۆ بازرگانیی دەرەکی و دەربازبوون لە گەمارۆ داراییە نێودەوڵەتییەکان زیاد کردووە.
