ئێوارەی رۆژی ٢٢ی فێوریەی ٢٠٢٥، بەرانبەر بە ٤ی رەشەمەی ١٤٠٣، مەراسمێکی شکۆدار، له‌لایه‌ن ئەندامانی کۆمەلە و حیزبی کۆمۆنیستی ئێران، لە شاری یۆتبۆری سوید، بۆ رێزگرتن لە پەنجاو پێنجەمین سالی دامەزرانی کۆمەلە و چل و شەشەمین سالی ئاشکرابوونی چالاكییه‌كانی ئەو حیزبه،بەرێوە چوو.
له‌و ڕێوڕه‌سمه‌دا، ژمارەێکی زۆر لە هاۆریانی دێرینی کۆمەلە و بنەمالەکانیان، دۆستان و لایەنگرانی کۆمەلە و بزوتنەوەی شۆرشگیرانەی کوردستان، نۆێنەرانی حیزب و رێکخراوە سیاسیەکانی پارچەکانی دیكه‌ی کوردستان بەشدار بوون. سەرەتای مەراسمەکە به خوێندنی پارچه شێعرێك له‌لایه‌ن هاۆرێ سۆما یاریزادە ده‌ستی پێكرد. پاشان سرودی ئەنترناسیۆنال سرودی هاۆپشتی جیهانی چینی کریکار بڵاو كرایه‌وه و یه‌ك خۆله‌ك بێدەنگی بۆ ڕێزگرتن له یادی هاۆڕێ حەمە حسین کەریمی و هەموو گیانبەختکردووانی كۆمه‌ڵه ڕاگیرا. دواتر هاوڕێ حسێن حه‌میدی ئه‌ندامی كۆمیته‌ی ناوه‌ندی كۆمه‌ڵه په‌یامی كۆمیته‌ی ناوه‌ندی خوێنده‌وه و سه‌باره‌ت به باروودۆخی ئێستای كۆمه‌ڵگا و ئه‌ركی حیزب و لایه‌نه سیاسییه‌كانی ڕۆژهه‌ڵاتی كوردستان بۆ یارمه‌تیدانی خه‌ڵك قسه و باسی كرد و پاشان په‌یامی حیزب و لایه‌نه سیاسییه‌كانی دیكه خوێندرا و مه‌ارسیمه‌كه له نێو شایی و خۆشی ئاماده‌بووان دا كۆتایی پێهات.