11
بەپێی ڕاپۆرتەکان، کۆبوونەوەی حەفتانەی “شەممەکانی ناڕەزایەتی فرانکفۆرت” بە مەبەستی دژایەتی لەگەڵ لەسێدارەدانی بەندکراوان، پشتیوانی لە زیندانیانی سیاسی و هاودەنگی لەگەڵ بنەماڵە دادخوازەکان بەڕێوە چووە.
ڕۆژی شەممە ١٩ی گوڵان هاوکات لەگەڵ ساڵیادی لەسێدارەدانی “فەرزاد کەمانگەر، شیرین عەلەمهۆلی، فەرهاد وەکیلی، عەلی حەیدەریان و مەهدی ئیسلامیان“، ئەو کۆبوونەوەیە لەلایەن ئەنجوومەنی “ژن، ژیان، ئازادی“یەوە بەڕێوە چووە. لە درێژەی کۆبوونەوەکەدا بەشداربووان بە دروشمی “نا بۆ شەڕ، نا بۆ کۆماری ئیسلامی، نا بۆ سێدارە” و “ئازادی بۆ بەندکراوانی سیاسی“، خوازیاری کۆتاییهێنانی سەرکوتی هاووڵاتیانی ناڕازی و ئازادی بەندکراوانی سیاسی بوون.
