وەزیری بەرگری یونان ڕایگەیاند گرێبەستێکی چەکداری بە نرخی نزیکەی سێ و نیو ملیار یۆرۆ لەگەڵ ئیسرائیل کۆتایی واژۆ کراوە، کە بەپێی ئەوە سیستەمە پێشکەوتووەکانی بەرگری ئاسمانی بۆ ئەرتەشی یونان دابین دەکرێن.
نیکۆس دێندیاس، وەزیری بەرگری یونان، ڕایگەیاندووە کە گرێبەستێکی گەورەی چەکداری لەگەڵ ئیسرائیل بۆ دابینکردنی سیستەمە پێشکەوتووەکانی بەرگری ئاسمانی بۆ هێزە چەکدارەکانی یۆنان واژۆ کراوە. بەپێی ئەم ڕاگەیاندنە، بەهای گرێبەستەکە نزیکەی سێ و نیو ملیار یۆرۆیە و بە یەکێک لە گەورەترین گرێبەستە سەربازییەکانی یونان لە چەند ساڵی ڕابردوودا ناسراوە. بەپێی ڕێککەوتنەکە، یونان سیستەمێکی بەرگری ئاسمانی چەند چینەیی وەردەگرێت کە مووشەکی ”فلاخنی داوود”، بەرهەمی کۆمپانیای رافائل، و سیستەمی ”باراک”، بەرهەمی پیشەسازی ئاسمانی ئیسرائیل، لەخۆدەگرێت.