11
بەپێی دوایین هەواڵەکان، ئەرتەشی ئیسرائیل لە ئۆپەراسیۆنەکان و هێرشەکانی بۆ سەر باشووری لوبنان بەردەوامە و بە هۆیەوە هەزاران شارومەندی ئەو وڵاتە ئاوارە بوون.
بە وتەی سەرچاوە ئاگادارەکان، لە ئەنجامی هێرشەکانی ئەرتەشی ئیسرائیل بۆ سەر پێگەکانی حیزبوڵڵای لوبنان لە ناوچەکانی باشووری لوبنان، بە دەیان یەکەی نیشتەجێبوونی هاووڵاتیانی مەدەنی زیانی زۆریان بەرکەوتووە. لە هەمان کاتدا فەرماندەی گشتی ئەرتەشی ئیسرائیل ڕایگەیاندووە کە لە ئەنجامی ئۆپەراسیۆنەکانیان لە باشووری لوبناندا، ژمارەیەکی زۆر لە لانچرەکان لە ناوچوون و هەروەها جەختی لە سەر ئەوە کردووەتەوە کە تا کاتی بەردەوامی هێرشەکانی حیزبوڵڵای لوبنان بۆ سەر خاکی ئیسرائیل و هێزەکانیان، درێژەی بە ئۆپەراسیۆنەکانیان دەدەن.
