41
بەپێی ڕاپۆرتی ئاژانسی هاوکاریی جێبەجێکردنی یاسایی یەکیەتیی ئورووپا “یۆرۆپۆل“، زیاتر لە ١٤ هەزار ئەکاونت و پۆستی پەیوەندیدار بە سپای پاسدارانی ڕژیمی کۆماری ئیسلامی، سڕاوەتەوە.
بەپێی ڕاپۆرتی “یۆرۆپۆڵ“، لەم هەنگاوەدا ئەکاونتی سەرەکیی سپای پاسداران لە تۆڕی کۆمەڵایەتیی “ئێکس” کە زیاتر لە ١٥٠ هەزار فاڵۆوەری هەبوو بلۆک کراوە. ئەم هێزە تێرۆریستییە فەزای دیجیتاڵیی بۆ ڕاکێشانی لایەنگر، بڵاوکردنەوەی پڕوپاگەندەی توندڕەوانە و کۆکردنەوەی دارایی بەکار هێناوە. ئەم هەنگاوە پاش بڕیاری فەرمیی یەکیەتیی ئۆروپا بۆ خستنە ناوی سپای پاسداران بۆ نێو لیستی ڕێکخراوە تێرۆریستییەکان دێت.
