ڕۆژی سێشەممە 30ی گه‌لاوێژ، هێزه‌كانی پۆلیسی کۆماری ئیسلامی هەڵیانکوتایە سەر پەیمانگای گۆتە لە تاران و هێشتا هۆکاری داخستنی ئەم دامەزراوە ڕۆشنبیرییە ڕوون نه‌بووه‌ته‌وه.
به‌پێی ئەو وێنانەی لە تۆڕە کۆمەڵایەتییەکاندا بڵاوکراونەتەوە، ژمارەیەک ئۆتۆمبێلی پۆلیس لەبەردەم ئەم دامەزراوەیە وەستاون و هەندێک هێز خەریکن تابلۆی چوونە ژوورەوەی دامه‌زراوه‌كه دەشكێنن. پەیمانگای گۆتە ئەرکی بڵاوکردنەوەی زمان و کولتوری ئەڵمانییە و هەندێک سه‌رچاوه ئاماژە بەوە دەکەن کە داخستنی ئەو پەیمانگایە وەڵامێک بۆ داخستنی ناوەندی ئیسلامی ڕژیم لەلایەن حکومەتی ئاڵمانه‌وە لە هامبۆرگ بووە.