شەوی ڕابردوو، هێزەکانی ئەمریکا هێرشێکی بەرفراوانیان بۆ سەر ژمارەیەک لە پێگە و ناوەندە سەربازییەکانی ڕژیمی کۆماری ئیسلامی لە ناوچە جیاوازەکانی ئێران ئەنجام دا.
بەپێی ئەو وێنانەی کە بە دەستمان گەیشتوون، ژمارەیەک لە بنکە مووشەکییەکان، ناوەندەکانی فەرماندەیی و شوێنە سەربازییەکانی سەر بە سپای پاسداران لە پارێزگا جیاوازەکان بە ئامانج گیران. لە هەمان کاتدا، میدیای سەر بە ڕژیم ڕایانگەیاند کە سیستەمی بەرگری ئاسمانی لە چەند ناوچەیەک چالاک کراوە و هەوڵی ڕووبەڕووبوونەوەی هێرشەکان دراوە. هەروەها ڕاپۆرتی تەقینەوە و ئاگرکەوتنەوە لە ناوچەکانی هورمزگان، بووشێهر و هەندێک شوێنی دیکە بڵاو کراوەتەوە. لە بەرامبەردا، بەرپرسانی کۆماری ئیسلامی ئیدعایان کردووە کە هەندێک هێرش وەڵام دراوەتەوە و ژمارەیەک ئامانجی پەیوەندیدار بە هێزەکانی ئەمریکا لە ناوچەکە بەر هێرشەکان کەوتوون. بەڵام فەرماندەیی ناوەندی هێزەکانی ئەرتەشی ئەمریکا، سێنتکام، ئەم ئیدعایانەی ڕەت کردووەتەوە و ڕایگەیاندووە کە هێرشەکان بە سەرکەوتوویی ئەنجام دراون. شایانی باسە کە تا کاتی ئامادەکردنی ئەم هەواڵە، ئاماری وردی زیانەکان و قوربانییەکان بە شێوەی فەرمی بڵاو نەکراوەتەوە و ئاڵۆزییە سەربازییەکان لە ناوچەکە هێشتا بەردەوامن
