کەمبوونەوەی ئاستی هاتوچۆکانی کەشتییەکان لە گەرووی هورموز

بە پێی ڕاپۆرتەکان، ئاستی هاتوچۆکان لە گەرووی هورموز لە ماوەی دوو رۆژی ڕابردوودا بە شێوەیەکی بەرچاو کەمبووەتەوە.

بە وتەی شیرکەتی ماهوارەیی “کێپلێر“، ئاستی هاتوچۆکان لە گەرووی هورموز لە رۆژی چوارشەممە و رۆژانی پێشووتر 10 تا 15 کەشتی لە رۆژدا بووە، بەڵام رۆژی پێنجشەممە بە تەنیا 4 کەشتی لە گەرووی هورموز تێپەریون کە دوو کەشتی لەوانە نەوتهەڵگر و دوو کەشتییەکەی دیکەش بازەرگانی بوون. شایانی باسە کە پێش دەستپێکردنی شەڕ و پێکدانانی کۆماری ئیسلامی و ئەمریکا لە ناوچەکە، رۆژانە زیاتر لە 125 کەشتی بازەرگانی و نەوتهەڵگر لە گەرووی هورموز تێپەردەبوون.