ڕۆژی چوارشه‌ممه ٢٠ی خاكه‌لێوه، ئه‌رته‌شی ئیسڕائیل ناوچه‌ی شوجاعیه‌ی له كه‌رتی غزه بۆردوومان كرد و به‌وهۆیه‌وه ٣٠ كه‌س گیانیان له‌ده‌ست دا.
به وته‌ی به‌رپرسانی ئه‌رته‌شی ئیسڕائیل، پێش هێرش خه‌ڵكی مه‌ده‌نیان ئاگادار كردووه و مه‌به‌ستیان له‌ناوبردنی فه‌رمانده‌یه‌كی حه‌ماس بووه. له به‌رانبه‌ر دا ماڵپه‌ڕی ئه‌لعه‌ربییه ئاشكرای كردووه كه ٣٠ فه‌له‌ستینی له هێرشه‌كانی ئیسڕائیل بۆ سه‌ر ناوچه‌ی شوجاعییه بوونه‌ته قوربانی كه زۆربه‌یان ژن و منداڵ بوون. شایانی باسه كه به ده‌یان كه‌سی دیكه‌ش بریندار و ڕه‌وانه‌ی ناوه‌نده ده‌رمانییه‌كان كراون.