پەیام

لە ڕۆژانی ڕابردوودا، نایارانی ژینگە و سرووشتی کوردستان، ئاگرێکی گەورەیان بەردایە دارستان و لەوەڕگەکانی هەڵەبجە لە باشووری کوردستان و زیانێکی زۆر بەر ئەو ناوچەیە کەوت.

“محراب ئەبدوڵڵازادە” بەندکراوی سیاسی کورد و لە دەستبەسەر کراوانی شۆڕشی “ژن، ژیان، ئازادی”، سەرەڕای تێپەڕبوونی ٧ مانگ بە سەر ناردنی دۆسییەکەی بۆ دیوانی باڵای وڵات، هێشتا چارەنووسی دیار نییە.

ڕۆژی پێنجشەممە ٢٦ی گەلاوێژ، پێنج هاووڵاتی خەڵکی شاری شنۆ بە دانانی بارمتەی یەک ملیار تمەنی بە شێوازێکی کاتی یازاد کران.

لە ڕۆژانی ڕابردوودا، چیای چەرداوڵ لە پارێزگای ئیلام بە هۆکارێکی نادیار ئاگری لێکەوتەوە و بە هۆی کەمتەرخەمی بەرپرسانی ئەو پارێزگایە، خەڵک هەوڵی کوژانەوەی ئاگرەکەیان داوە.

شەوی دووشەممە ٢٧ی گەلاوێژ، هاووڵاتیان لە شاری جوانڕۆ دژ بە پچڕانی بەردەوام و بە بێ ئاگاداری کارەبا کۆبوونەوە و ناڕەزایەتییان دەربڕی.

ڕۆژی دووشەممە ٢٧ی گەلاوێژ، خەڵکی شاری مەهاباد لە شەقامێکی ئەو شارە دژ بە پچڕانی بەردەوامی کارەبا کۆبوونەوە و ناڕەزایەتییان دەربڕی.

ڕۆژی یەکشەممە ٢٦ی گەلاوێژی ١٤٠٤، دوو کرێکاری ناڕازی دەستبەسەر کراو لە پترۆشیمی ڕازی ماهشەهر بە دانانی وەسیقە بە شێوازێکی کاتی ئازاد کران.

ڕۆژی شەممە ٢٥ی گەلاوێژی ١٤٠٤، مورتەزا داموور” تەمەن ٧٠ ساڵ و لە ئەندامی بنەماڵە دادخوازەکان، لە لایەن هێزە ئەمنیەکانەوە دەستبەسەر و ڕەوانەی بەندیخانەی ناوەندی هەمەدان  کرا.

ڕۆژی دووشەممە ٢٧ی گەلاوێژی ١٤٠٤، خانەنشینکراوانی موخابرات لە شارەکانی تاران، کرماشان، سنە، بیجاڕ و مەریوان کۆبوونەوە و دژ بە کەمبوونی حەقدەست ناڕەزایەتییان دەربڕی.

ڕۆژی دووشەممە ٢٧ی گەلاوێژ، ماڵدزراوانی پرۆژەی حەکیم لە شاری تاران، دژ بە گەندەڵی سیستەماتیک و دزەی مافیا بۆ نێو دەزگای قەزایی ڕژیم، لە بەردەم بینای دادگوستەری گشتی ئەو پارێزگایە کۆبوونەوە.