پەیام

ڕۆژی یەکشەممە ٢٦ی گەلاوێژی ١٤٠٤، خانەنشینکراوانی تەئمینی ئیجتماعی و فولاد و مەعدەن، لە شارەکانی ڕەشت، ئەهواز و ئیسفەهان کۆبونەوە.

بە پێی ئەو وێنانەی بە دەستمان گەیشتوون، دارستانەکانی دەورووبەری گوندی “قەڵاڕەش” سەر بە شاری سەردەشت ئاگریگرتووە و سرووشتی ئەو ناوچەیە  تووشی زیانێکی زۆر بووە.

ڕۆژی یەکشەممە ٢٦ی گەلاوێژی ١٤٠٤، کۆڵبەرێک بە ناوی “ڕەحمان ڕەسوول زادە” و خەڵکی شاری بانە، بەتەقەی ڕاستەوخۆ و بە بێ ئاگاداری هێزەکانی ڕژیم لە سنووری  هەنگەژاڵی بانە گیانی لە دەستداوە.

ڕۆژی یاکشەممە ٢٦ی گەلاوێژ، خەڵکی گوندی “تەڵسم شەهباز” سەر بە شاری سەرپێڵ، دژ ب چارەسەر نەکردنی کێشەی ئاوی ئەو گوندە کۆبوونەوە.

ڕۆژی هەینی ٢٤ی گەلاوێژی ١٤٠٤، کۆمەڵێک لە شاخەوانانی کوردستان بە سەرکەوتنیان بە سەر چیای دەماوەند دا لە پارێزگای ئەلبۆرز، یادی شەهیدانی ژینگەیان بەرز ڕاگرت.

ڕۆژی شەممە ٢٥ی گەلاوێژ، دانیشتوانی شاری جوانڕۆ دژ بە بڕانی بەردەوام و درێژ خایەنی ئاو لەو شارە لە چالاکییەکدا دەبە ئاوەکانیان لە بەردەم ئیدارەی ئاو ڕیز کرد.

“ڕەزا شەفاخاه” پارێزەری دادگوستەری، بە بڵاوکردنەوەی پۆستێک لە تۆڕە کۆمەڵازیەتییەخان دژ بە دەستبەسەر کردنی هاووڵاتیان لە مانگەکانی ڕابردوودا ناڕەزایەتی دەربڕی و خوازیاری ڕوونکردنەوە لە لایەن ڕژیمەوە بوو.

بە وتەی  بەرپرسانی پاکستان، بە هۆی لە سەرەوە بوونی ڕێژەی باران، لە باکووری ئەو وڵاتە، بە هۆی هاتنی لافاو زیاتر لە ٣٠٠ کەس بوونەتە قوربانی.

“ئەمانوڵڵا جەلالی نژاد” بەندکراوی ڕاگیراو لە بەندی ٥ی زیندانی شەیبانی ئەاهواز، بە هۆی بایەخ نەدانی کۆماری ئیسلامی بە تەندرووستی بەندکراوان تووشی جۆرەها نەخۆشی بووە و ئیستا لە دۆخێکی خراپدایە.

“ئەبۆلفەزل خۆران” موعەلیمی بەندکراو، بە تۆمەتی “تێکدانی ئاسایشی زیندان”، ٥٠٠ ملیۆن بارمتەی بۆ دیاری کراوە.