پەیام

بەپێی هەواڵی گەیشتوو، دوو ئەندامی هێزەکانی ڕژیمی کۆماری ئیسلامی لە ماوەی چەند ڕۆژی ڕابردوودا لە ناوچەکانی مەریوان و پاوە کوژراون.

ڕۆژی ڕابردوو، لە ئەنجامی لافاوێکی توند لە ناوچەی بورالانی ماکۆ، تا ئێستا ٦٠ خانوو ڕووخاون و زیان بە زیاتر لە ١١٠ بنەماڵە گەیشتووە.

بەپێی ڕاپۆرتەکان، سۆهەیلا حیجاب، ژنە بەندکراوی سیاسیی کورد و یەکێک لە دەستبەسەرکراوانی ناڕەزایەتییەکانی مانگی بەفرانبار، پاش تێپەڕبوونی زیاتر لە پێنج مانگ لە دەستبەسەرکرانی، مەترسیی سەپاندنی حوکمی قورسی قەزایی لەسەرە.

بەپێی ئامارە فەرمییەکان، لە ئەنجامی دوو بوومەلەرزەی بەهێز لە ڤێنێزۆئێلا، تا ئێستا زیاتر لە ٣٢ کەس گیانیان لەدەست داوە و نزیکەی ٧٠٠ کەسیش بریندار بوون.

بەپێی بڕیاری دادگای تایبەتی دژە تیرۆریزم لە پاکستان، دکتۆر مەهرەنگ بەلووچ، پزیشک و یەکێک لە ناسراوترین ڕێبەرانی بزووتنەوەی ڕزگاری نەتەوەیی بەلووچستان، حوکمی زیندانی هەتاهەتایی بەسەردا سەپێندراوە.

ڕۆژی ڕابردوو، ژمارەیەک لە کرێکارانی شیرکەتی پترۆشیمی پترۆناد دژ بە نەگەڕانەوەیان بۆ سەر کارەکانیان، ناڕەزایەتییان دەربڕیوە.

بەپێی ڕاپۆرتی گەیشتوو، کانونی فیلمسازانی سەربەخۆی ئێران بە بڵاو کردنەوەی بەیاننامەیەک، سەبارەت بە مەترسی لەسێدارەدانی عەلی سەفەری هوشداری داوە.

بەپێی هەواڵی گەیشتوو، بەندکراوان لە زیندانی جابانی دەماوەند لە دۆخێکی زۆر مەترسیدار و بەبێ دەستڕاگەیشتن بە سەرەتاییترین پێداویستییەکانی ژیانیان ڕاگیراون.

بەپێی ڕاپۆرتەکان، نەبیل خالدی، چالاکی مەدەنی خەڵکی کوت عەبدولڵای ئەهواز، دووشەممە ١ی پووشپەڕ پاش بانگهێشتی بۆ ئیدارەی ئیتلاعاتی عەسەلوویە دەستبەسەر کراوە.

لە ڕۆژانی ڕابردوودا، حوکمی زیندانی هەتاهەتایی چوار بەندکراوی سیاسیی عەرەبی ئەهوازی، پاش نزیکەی ٢١ ساڵ لە زیندان، بۆ ٢٥ ساڵ و یەک مانگ کەمکراوەتەوە.