به‌پێی ڕاپۆرتی ڕێكخراوی جیهانی بێهداشت، نزیك به یه‌ك ملیارد كه‌س تووشی كێشه‌ی ده‌روونین و كرێکاران وه‌كوو چینی هه‌ژاری كۆمه‌ڵگا، سێ هێنده‌ی كه‌سانی دیكه تووشی خه‌مۆكی، دڵه‌ڕاوكێ و نه‌خۆشییه ده‌روونییه‌كانی دیكه بوون.
به‌پێی ڕاپۆرتی كۆنفدراسیۆنی نێوده‌وڵه‌تی ئیتحادییه كرێكارییه‌كان، كه‌سانێك كه له ژێر هێڵی هه‌ژاری ته‌واودا ده‌ژین به‌هۆی نه‌بوونی ئه‌منیه‌تی ماڵی، ده‌ستڕانه‌گه‌یشتن به خزمه‌تگوزاری ده‌روونی و بێهداشتی و …هه‌تد تووشی ئێسترێس، خه‌مۆكی و گوشاری ده‌روونی سه‌خت ده‌بن. مه‌یلی سه‌رمایه‌داری بۆ به‌هره‌وه‌ری زۆرتر و كه‌لێنی نێوان كار و شوێنی ژیان، كرێكارانی به‌ره‌و هه‌ستێكی پووچه‌ڵ و ڕزاوی بردووه و ساعه‌تی كاری درێژخایه‌ن، شوێنی كاری پڕ ئێسترێس و نه‌گه‌یشتن به ئامانجه دیاریكراوه‌كان به‌ستێنێكی گونجاوی بۆ په‌رتووكاوی ده‌روونی چینی كرێكار ساز كردووه.