پەیام

ڕۆژی سێشەممە ٨ی گوڵانی ١٤٠٥ی هەتاوی، دوو برای خەڵکی شاری ئیزە لە لایەن هێزە ئەمنیەکانی کۆماری ئیسلامییەوە دەستبەسەر و هێشتا چارەنووسیان دیار نییە.

بەپێی ڕاپۆتی گەیشتوو، “ساسام ئازادوار” لە دەستبەسەرکراوانی ڕەوتی ناڕەزایەتییەکانی مانگی بەفرانباری ١٤٠٤ی هەتاوی، مەترسی لەسێدارەدانی لە لایەن دەزگای قەزایی ڕژیمەوە لە ئارادایە.

بەپێی ڕاپۆرتەکان، “جەواد عەلیکوردی” برای “خوسرەو عەلیکوردی”، سەرەڕای تێپەڕبوونی زیاتر لە ١٤٠ ڕۆژ لە ەستبەسەرکرانی، هێشتا چارەنووسی دیار نییە.

ڕۆژی ڕابردوو، خانەنشینکروانی فولادی ئیسفەهان و تاران، دژ بە خراپی دۆخی ژیان و مەعیشەتیان ناڕەزایەتییان دەربڕی.

بەپێی ڕاپۆرتەکان، مێحراب عەبدوڵڵازادە، زیندانیی سیاسی مەحكووم بە ئێعدام، بە فەرمانی بەرپرسی بەندیخانەی ناوەندیی ورمێ گواستراوەتەوە بۆ ژووری تاکەکەسی.

بەپێی دوایین هەواڵەکان، سەرۆک کۆماری ئەمریکا فەرمانی بە هێزەکانی ئەمریکا داوە کە خۆیان بۆ گەمارۆی دەریایی درێژماوەی ڕژیمی کۆماری ئیسلامی ئاماژە بکەن.

ڕۆژی سێشەممە ٨ی گوڵان، ٣٥ ڕێکخراوە و کەسایەتی پەیوەندیدار بە سیستەمە بانکییە نهێنییەکانی کۆماری ئیسلامی لە لایەن وەزارەتی دارایی ئەمریکاوە گەمارۆ خراوەتە سەریان.

ڕۆژی سێشەممە ٨ی گوڵانی ١٤٠٥ی هەتاوی، کۆمەڵێک لە کرێکارانی ئەبنیەی فەنی ڕێگەی ئاسن لە شارەکانی دوروود و ئەندیمشک، دژ بە خراپی دۆخی ژیان و مەعیشەتیان ناڕەزایەتییان دەربڕی.

بەپێی دوایین ڕاپۆرتەکان، کەشاوەرزانی پارێزگای سیستان و بەلوچستان لە ژێر سێبەری سیاسەت و بەڕێوەبەرایەتی ناکارامەی ڕژیمی کۆماری ئیسلامیدا زیانی گەورەیان بەرکەوتووە و ژمارەیەکی زۆریان وازیان لە پیشەکانیان هێناوە.

لە ڕۆژانی ڕابردوودا، چەندین کانون و ئەنجومەنی پیشەیی لە ئێران، سەرەڕای ڕەتکردنەوەی ئینتەرنێتی چینایەتی، خوازیاری دەستڕاگەیشتنی هەموو هاووڵاتیان بە هێڵی ئینتەرنێتی نێودەوڵەتی بوون.