ک.م.م.ک:
یەکشەممە ٩ی بەفرانباری ٢٧٢٤ی کوردی، هاوڵاتییەک بەناونیشانی شێت ئەمانی کرێکاری خانەنشینکراوی قوماش دوورینی سنە و ئەندامی لێژنەی ڕێوەبەری یەکێتی ئازادی کرێکارانی ئێران دوابەدوای بانگهێشت لە ڕێی تێلەفوونەوە بۆ ئیتلاعاتی هێزە ئینتزامییەکان، کە بەپێی حوکمی قەزاییەوە هاتبوویە ئاراوە لە شوێنی ئەو ناوەندە قەزاییە ئامادە ببوو.
بەپێی هەواڵەکە، لەماوەی لێپرسینەوەکە کە سێ کاتژمێری خایاند، شێت ئەمانی بەبۆنەی بەشداری کردنی لە ڕێوڕەسمی ئەسپەردەکردنی یەکێک لە دایکانی دادخواز کە ڕێکەوتی ٢٥ی سەرماوەز، پێشینەی دەسبەسەری و بەشداری لە گردبوونەوەی کرێکاری و خانەنشینکراوان لێپرسینەوەی لەسەر جێبەجێ کرا.
شیاوی باسە، لەم لێپرسینەوەیە، هۆشداری درایە ناوبراو کە بەشداری لە گردبوونەوەی کرێکاران و خانەنشینکراون وەکوو کردەوەیەکی نایاسایی دێتە هەژمار، بەڵام ناوبراو بەجەخت کردن لەسەر یاسایی بوونی مافی کرێکاران و خانەنشینکراوان بۆ بەڕێوەبردنی گردبوونەوەی ناڕەزایی نیشاندان، جەختی لەسەر مافی هەر کرێکارێک بۆ بەشداری لە گردبوونەوە پیشەییەکان کردەوە.
ق.ش
