153
ک.م.م.ک:
بەپێی زانیارییەکان، هاوڵاتییەک بەناونیشانی حەسەن مەردانی ٦٥ ساڵ تەمەن خەڵکی شاری بۆکان لەلایەن لقی ١٠١ی دادگای ئینقلابی حکوومەتەوە لەو شارە بە ٣ساڵ زیندان مەحکووم کرا.
بەگوێرەی هەواڵەکە، دادگای ئینقلابی حکوومەت ناوبراوی بە تۆمەتی ئەندامەتی و هاریکاری حیزبێکی کوردی ئوپوزیسیۆنی حکوومەتی ئێران تۆمەتبار کردووە.
شیاوی باسە، ناوبراو پێنجشەممە ١٩ی گەلاوێژی ئەمساڵ، بەبێ نواندنی حوکمی قەزایی لەلایەن هێزە ئەمنییەکانەوە دەستبەسەر کرابوو.
جێی بیرهێنانەوەیە، ناوبراو ١٦ی ڕەزبەری ٢٧٢٣ی کوردی، بەدانانی بارمتەی یەک ملیارد تمەنی تا کۆتایی قۆناغەکانی لێکۆڵینەوە لە زیندانئ حکوومەت لە بۆکان ئازاد کرابوو.
ق.ش
