ک.م.م.ک:
بەپێی زانیارییەکانی ناوەندی هەواڵگری KMMK، لە ڕێکەوتی ١١ی ڕێبەندانی ٢٧٢٣ی کوردی، ئایدامراد بێهرووزی کچی زیندانی سیاسیی سووری بابایی چگینی و ڕەزامراد بێهرووزی لەگەڵ هاوپۆلەکەی بەناوی هەستی محەممەدحسەینی لە ڕێگەی چوون بۆ قوتابخانە بێسەروشوێن کراوە و هیچ زانیارییەک لە چارەنووسی ناوبراو بەدەستەوە نییە.
بەپێی کوتەکانی سەرچاوەیەکی ئاگادار: سووری چگینی کە لە بەندیخانەی چووبینی قەزوینە تا دە ڕۆژ لە بێسەروشوێن بوونی کچەکەی مۆڵەتی مەرەخەسی لە زیندانی پێ نەدرا.
سەرچاوەکە لەدرێژەدا کوتی: سەرۆکی دادگوستەری محەممەدیەی قەزوین بەسووری چگینی کوتبوو گەر سەرپۆش لەسەر بکەی و پەژیوانی دەرببڕیت مۆڵەتی مەرەخەسی بە پێوەن و گەڕان بەدوای منداڵەکەت پێدەدەین.
لەلایەکی دیکەوو بەپێی کوتەکانی ئەم سەرچاوەیە: لە دۆسیەیەکی دیکەدا بۆ سووری چگینی بابایی لەهەمبەر تۆمەتی پڕوپاگاندا دژی دەسەڵات کراوەتەوە بە ٧ مانگ زیندانی تەعزیری مەحکووم کراوە.
شیاوی باسە کە، سووری بابایی چگینی و ڕەزامراد بێهرووزی خاوەنی دوو کوڕی ١١ و ١٣ ساڵ و کچێکی ١٢ ساڵانە.
سووری چگینی بەبنەچە خەڵکی خوڕەماوایە و دانیشتووی قەزوین لە ناڕازیانی سەرپۆشی زۆرملێیە کە لە دۆخێکدا کە دەبوا تەنیا ساڵێک لە زیندان ڕابگیرایەت هەنووکە ٢٠ مانگە لە زیندانی چووبینی قەزوین بەند کراوە.
ق.ش
