88
ک.م.م.ک:
شەممە ٢٣ی بەفرانباری ٢٧٢٣ی کوردی، پەرهام پەروەەری ٢٥ساڵ تەمەن خەڵکی شاری سەقز لە دەستبەسەرکراوانی ڕاپەڕینی شۆڕشگێڕانەی ژن، ژیان، ئازادی لە زیندانی ئێڤینەوە بۆ زیندانی ئێرانشەهر لە سیستان و بەلووچستان دوورخرایەوە.
بەگوێرەی هەواڵەکە، ناوبراو بەبێ ئاگاداری بنەماڵەکەی و بەنهێنی لە زیندانی ئێڤینەوە بۆ زیندانی ئێرانشەهر دوور خراوەتەوە.
شیاوی باسە، ناوبراو لەلایەن لقی ٢٨ی دادگای ئینقلابی تارانەوە بە ٥ ساڵ زیندانی تەعزیری و ١٠ ساڵ دوورخستنەوە بۆ زیندانی جاسک سەرجەم بە ١٥ ساڵ زیندان مەحکووم کرابوو.
جێی بیرهانینە، ئەم هاوڵاتییە دەرچووی بواری ئەندازیاری میکانیک و خاوەنی چەندد میدالیای سەرکەوتنی ناوخۆیی لە بواری وەرزشی مەلەوانیدایە.
ق.ش
