66
دەستبەسەرکران و ناڕوونی چارەنووسی دلێر زاهیدی پوور لە مەریوان
10:53 – 31 January 2024
هەنگاو؛ چوارشەممە ١١ی ڕێبەندانی ٢٧٢٣
لەحاڵێکدا کە نزیک بە ماوەی یەک حەفتە لە دەستبەسەرکرانی دلێر زاهیدی پوور، هاووڵاتیی خەڵکی مەریوان، لەلایەن هێزە ئەمنییەکانەوە تێدەپەڕێت، زانیارییەک لەسەر چارەنووسی ناوبراو لەبەر دەستدا نییە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، سەرەڕای تێپەڕبوونی ماوەی شەش ڕۆژ لە دەستبەسەرکرانی دلێر زاهیدی پوور، هاووڵاتیی خەڵکی مەریوان و سەرەڕای بەدواداچوونی بەردەوامی بنەماڵەکەی، هیچ زانیارییەک لەسەر چارەنووسی ناوبراو لەبەر دەستدا نییە و شوێنی ڕاگرتنەکەی نادیارە.
هەنگاو زانیویەتی کە دلێر زاهیدی پوور ڕۆژی هەینی ٦ی ڕێبەندانی ٢٧٢٣ (٢٦ جەنیوەری ٢٠٢٤)، لەلایەن هێزە ئەمنییەکانەوە و بێ نیشاندانی هیچ بەڵگەیەکی دادوەری لە ماڵەکەی خۆیدا دەستبەسەرکراوە.
