115
ک.م.م.ک:
بەپێی زانیارییەکانی ناوەندی هەواڵگریkmmk، محەممەدڕەزا قەیتەرانی هاوڵاتی ٢٣ساڵ تەمەنی خەڵکی گوندی گردیەعقووب سەربە مەهاباد، و لە دەسبەسەرکراوانی شۆڕشی ژن ژیان ئازادی، پاش بانگهێشتی بۆ لقی جێبەجێکاری سزای حوکمەکان، دەسبەسەر و بۆ زیندانی ڕێژیمی ئێران لە مەهاباد ڕاگوازرا.
ئەم هاوڵاتییە گەنجە پێشووتر لەلایەن لقی یەکئ دادگای ئینقلابی ڕێژیمی ئێران لە مەهاباد بەتۆمەتی هاریکاری حیزبێکی کوردی ئوپوزسیۆنی ڕێژیمی ئێران بە ٦ مانگ زیندانی تەعزیری مەحکووم کرابوو.
شیاوی باسە کە، محەممەدڕەزا قەیتەرانی لە یەکی ڕەزبەری ٢٧٢٢ی کوردی، لەلایەن هێزە ئەمنییەکانەوە لە مەهاباد دەسبەسەر و بۆ لێپرسینروە بۆ گرتووخانەیەکی ئەمنییەتی ڕێژیمی ئێران لە ورمێ ڕاگوازرا.
ق.ش
