99
بەپێی زانیارییەکان، سێشەممە ١٢ی بەفرانباری ٢٧٢٣ی کوردی، وەفا ڕەسووڵی ئازەر ٢٢ساڵ تەمەن خەڵکی پیرانشار بە ئامانجی جێبەجێکردنی حوکمەکەی بۆ زیندانی حکوومەتی ئێران لە نەغەدە گوازرایەوە.
شیاوی باسە، ناوبراو لەلایەن دادگای حکوومەتی ئێران لە پیرانشار بۆ تۆمەتگەلی سووتاندنی بەئەنقەستی لافیتەی ئیدارەی ئیتلاعات، هێرش کردن بۆ سەر هێزە ئیتلاعاتییەکان و بەشداری لە تێکدانی ئاسایشی گشتی بە ١١ مانگ و ١٦ ڕۆژ زیندان مەحکووم کرابوو.
شیاوی باسە، ناوبراو ٢٨ی بەفرانباری ٢٧٢٢ی کوردی، لە ڕەوتی ڕاپەڕینی شۆڕشگێڕانەی ژن، ژیان، ئازادی لە پیرانشار دەستبەسەر و ٨ی گوڵانی ٢٧٢٣ی کوردی، بەدانانی بارمتە بە شێوەی کاتی ئازاد کرابوو.
ق.ش
