19
ک.م.م.ک:
ڕۆژی چوارشەممە ڕێکەوتی ١٦ی خەزەڵوەری٢٧٢٤، هاووڵاتییەک بە ناسنامەی موجتەبا قاسمی، خەڵکی گوندی کەل کەشوەندی ناوەڕاست سەر به هەرسین، لە زیندانی قزڵحەسار لە شاری کەرەج لە سێدارە درا.
جێی ئاماژەیه ئەم هاوڵاتیە نزیکەی چوار ساڵ پێش ئێستا بە تۆمەتی کوشتنی بە ئەنقەست دەسبەسەر و دواجاریش چوارشەممەی ڕابردوو ئێعدام کراوە.
شایانی باسە تا ساتی نووسینی ئەم هەواڵه، هەواڵی لەسێدارەدانی موجتەبا قاسمی لەلایەن دەسەڵاتی فەرمی یان میدیای ناوخۆی ئێرانەوە تا ئێستا ڕانەگەیەندراوە.
خ.ع
