7
ڕۆژی دووشه‌ممه ٢٠ی ڕه‌شه‌مه‌ی ١٤٠٣، ده‌وڵه‌تی توركیا و گرووپه جیهادییه‌كانی سه‌ر به‌و وڵاته هێرشیان كرده سه‌ر گوندی جرمانه له ده‌ورووبه‌ری كۆبانی و به‌وهۆیه‌وه منداڵێك گیانی له‌ده‌ست دا و دوو منداڵی دیكه‌ش بریندار بوون.
به پێی زانیارییه‌كان، فڕۆكه‌كانی ده‌وڵه‌تی توركیا ده‌ورووبه‌ری به‌ندئاوی تشرین و پردی قه‌ره‌قۆزاقیان به چڕی بۆردوومان كردووه و گرووپه ئیسلامگه‌راكانی سه‌ر به توركیا، گوندی جرمانایان تۆپباران كردووه. له ئه‌نجامی ئه‌و هێرشانه‌دا سێ منداڵ به سه‌ختی بریندار بوون كه یه‌كێكیان به‌هۆی قورسی برینه‌كانی گیانی به‌خت كردووه.
