ک.م.م.ک:
بەپێی زانیارییەکانی ناوەندی هەواڵگری KMMK، سێشەممە ٢٤ی ڕێبەندانی ٢٧٢٣ی کوردی، چالاکی مەدەنی و پەنابەری سیاسی حسەین”ئامانج” مینبەری خەڵکی مەریوان بۆجاری دوویەم لەلایەن پولیسی تورکیاوە دەستبەسەر و بۆ کامپی دیپۆڕتییەکان گوازرایەوە.
شیاوی باسە، کە ئەم هاوڵاتییە لەگەڵ هاوسەرەکەی شەوکار محەممەدی کە لە ڕاپەڕینی ژن ژیان ئازادی لەلایەن سیستەمی ئەمنییەتی ڕێژیمی ئێرانەوە ڕاوەدوونرابوو و لەڕووی ناچارییەوە زێدی خۆی بەجێهێشتووە و لە وڵاتی تورکیا وەکوو پەنابەر گیرساوەتەوە.
پێشتر پولیسی تورکیا ئەم دوو هاوسەرەی لە شاری مارماریس هەڵکووتوو لە کەناراوەکانی دەریای ناوەڕاست دەستبەسەر و بۆ کامپی دیپۆڕتی مووغلا ڕاگواستبوو کە پاش نێزیک بە ٥ مانگ بەهەوڵی کۆمەڵگای مافی مرۆیی ئازاد کران.
شیاەی باسە، لە ئەگەری دیپۆڕتی ئەم پەنابەرە کوردانە، لەگەڵ مەترسی گیانی لەلایەن سیستەمی ئەمنییەتی ڕێژیمی ئێران ڕووبەڕوو دەبنەوە.
ق.ش
