83
ک.م.م.ک:
ڕۆژی شەممە ٢٨ی ڕێبەندانی ٢٧٢٣ی کوردی، دوو هاووڵاتی بە ناوەکانی داود حەدادی تەمەن ٣٦ ساڵ، لەگەڵ هاوڕێکەی فەردین چێرەنژاد، کە هەردووکیان خەڵکی شاری بەهمەیی سەر بە پارێزگای کۆگیلویە و بۆیرئەحمەدن، لەلایەن هێزە ئەمنییەکانی ڕژیمی ئێران لە ژێر توندوتیژیدا و بەبێ فەرمانی دادگا، دەستبەسەر کران.
جێی ئاماژەیە، ئەم دوو هاووڵاتییە، بۆ زیندانی ڕژێمی ئێران لە شاری دێدەشت ڕاگوێزراون و تا ئێستا هیچ زانیارییەک لە بارەی هۆکاری دەستبەسەرکردن و دۆخی تەندروستییان له بەردەست نیه.
شایانی باسه کە داود حەدادی، لە ڕاپەڕینی ساڵی ٢٧١٩ی کوردی و شۆڕشی ژینا لە ٢٧٢٢ی کوردیدا دەستبەسەر و لە مانگی سەرماوەزی ٢٧٢٣ی کوردی، بە دانانی بارمتە بە شێوەی کاتی ئازاد کرابوو.
خ.ع
