پەیام

شەوی پێنجشەممە 18ی پووشپەڕ، شەپۆلێکی نوێ لە هێرشە ئاسمانییەکانی ئەمریکا بۆ سەر پێگەکانی ڕژیمی کۆماری ئیسلامی لە باشووری ئێران دەستی پێکردووە و زنجیرەیەک تەقینەوەی گەورەی لێکەوتووەتەوە.

شەوی ڕابردوو، لە ئاکامی هێرشێکی چەکداری بۆ سەر چەند خاڵێکی پشکنین لە شاری مەشهەد، لانیکەم چوار ئەندامی هێزەکانی بەسیجی سەر بە ڕژیمی کۆماری ئیسلامی کوژران.

بەپێی دوایین زانیارییەکان، قەیرانی ئاو و نەبوونی کەمترین خزمەتگوزارییە تەندروستییەکان لە زیندانی شەیبانی ئەهواز، بووەتە هۆی بڵاوبوونەوەی نەخۆشییە مەترسیدارەکان لە ناو بەندکراوانی سیاسیدا.

لە ڕۆژانی ڕابردوودا، حوکمی لەسێدارەدانی دوازدە کەس لە دەستبەسەرکراوانی ناڕەزایەتییەکانی مانگی بەفرانباری ساڵی ڕابردوو، لە شاری ئیسفەهان لە لایەن دیوانی باڵای وڵاتەوە پەسەند کرا و مەترسیی جێبەجێکردنیان لەسەرە.

ڕۆژی ڕابردوو، خانەنشینکراوانی تەئمینی ئیجتماعی دژ بە کەمبوونی حەقدەست و پێنەدانی حەقدەستە دواخراوەکانیان ناڕەزایەتییان دربڕی.

لە درێژەی گوشارە ئەمنییەکان بۆ سەر بنەماڵە دادخوازەکان، دوو کەس لە ئەندامانی بنەماڵەی وەیسی لە بەرەبەری بەڕێوەچوونی ڕێوڕەسمی چلەی دوو ئەندامی گیانبەختکردوویان لە شاری کرماشان دەستبەسەر کران.

ڕۆژی ڕابردوودا، کرێکارانی لە سەر کار دەرکراوی شیرکەتی کیش چووب دژ بە وەرنەگرتنی حەقدەست و مافە دواخراوەکانیان ناڕەزایەتییان دەربڕی.

لە ڕۆژانی ڕابردوودا، لە ئاکامی نەبوونی ئیمەنی شوێنی کار و هەلومەرجی نالەباری پیشەیی، دەیان کرێکار لە شارەکانی گوڵپایگان و کازرون ژەهراوی و بریندار بوون.

لە ڕۆژانی ڕابردوودا، حوکمی سێدارەی بەندکراوێکی تەمەن ٣٢ ساڵ بە ناوی ئیسماعیل قەدیری کە پێشتر بە تۆمەتی کوشتن سزای ئێعدامی بەسەردا سەپابوو، لە زیندانی کاشان حوکمەکەی جێبەجێ کرا.

ڕێکخراوی لێبوردنی نێودەوڵەتی سەبارەت بە سەرکوتی خۆپیشاندانەکان ڕایگەیاند کە نەبوونی دادپەروەری نێودەوڵەتی مەترسی دووبارەبوونەوەی تاوانی قورس لە ئێران زیاد دەکات.