81
ک.م.م.ک
ڕۆژی هەینی ١٣ی بەفرانباری ساڵی ٢٧٢٣ی کوردی، مێرمنداڵێکی تەمەن ١٧ ساڵان بە ناوی دیاکۆ محەممەدی خەڵکی دیواندەرە، لە هێڵی سنووری سەیرانبەندی بانە لە کاتی کۆڵبەریدا، بووە ئامانجی تەقەی ڕاستەوخۆی هێزە سنوورییەکانی ڕژێمی ئێران.
پێویستە ئاماژە بەوە بکرێت، کە دیاکۆ محەممەدی لە لایەن پاسەوانانی سنوورەوە بە دەمانچە تەقەی لێ کراوە.
شایانی باسە کە تەقەی بەردەوام و ڕاستەوخۆی هێزەکانی ڕژێمی ئێران له هاووڵاتییانی کورد، لە ژێر ناونیشانی جیاواز و ناڕاست و بێ بنەما، یەکێکە له هەوڵەکانی ئەم دوائییانەی کۆماری ئیسلامی بە مەبەستی سەرکوتکردن و تۆڵەسەندنەوە له نەتەوەی کورد.
خ.ع