ک.م.م.ک:
بەپێی زانیارییەکان، شەممە ١١ی سەرماوەزی ٢٧٢٣ی کوردی، هاوڵاتییەک بەناونیشانی فوئاد فەتحی چالاکی کرێکاری خەڵکی ســـنە و دانیشتووی تاران لەلایەن دادگای ئینقلابی تارانەوە بە ٤ ساڵ زیندانی تەعزیری و سزای زیادە مەحکووم کرا.
بەگوێرەی هەواڵەکە، دادگا ناوبراوی بە ئەندامەتی و هاریکاری حیزبە کوردییە ئوپوزیسۆنەکانی حکوومەتی ئێران، هەوڵدان دژی ئاسایشی وڵات و پڕوپاگاندا دژی دەسەڵات تۆمەتبار و بەپێی حوکمی دەرچوو، ناوبراو بە ٤ساڵ زیندانی تەعزیری، قەدەغەکردنی چوونەدەرەوە لە وڵات بۆ ماوەی دوو ساڵ، قەدەغەکردنی ئەندامەتت لە گرووپ و ڕێخستنی سیاسیی و کۆمەڵایەتت بۆ ماوەی دوو ساڵ و ڕێگەپێنەدانی نیشتەجێبوونی لە تاران و دەورووبەری بۆ ماوەی دوو ساڵ مەحکووم کراوە.
شایانی باسە، ناوبراو شەممە ١١ی خەزەڵوەری ٢٧٢٣ی کوردی، بەبێ نواندنی حوکمی قەزایی لەلایەن هێزە ئەمنییەکانی حکوومەتی ئێرانەوە لە ماڵەکەی خۆی لە تاران دەستبەسەر و بۆ زیندانی ئێڤین ڕاگوازرابوو.
جێی سەرنجە فوئاف فەتحی یەک لە کرێکارانی لە مێژینەی کرێکاری خەڵکی سنەیە.
ق.ش