4
ک.م.م.ک:
بەپێی زانیارییەکانی ناوەندی هەواڵگری kmmk، فەرەیدوون سوڵتانی، هاوڵاتی خەڵکی تیکاب بۆ گرتووخانەی ئیدارەی ئیتلاعاتی ڕێژیمی ئێران لە ورمێ ڕاگوازراو و بڕیاری دەسبەسەری ناوبراو بۆ ماوەی مانگێک نوێ کرایەوە.
ناوبراو پێشووتر پاش بانگهێشتی بۆ ئیدارەی ئیتلاعاتی ڕێژیمی ئێران لە شاری تیکاب دەسبەسەر و بۆ شوێنێکی نادیار ڕاگوازرابوو.
هێزە ئیتلاعاتییەکانی ڕێژیمی ئێران هەروەها کەلووپەلی تاکەکەسی وەکو موبایلی ئەم هاوڵاتییەیان دەستبەسەردا گرتووە و دەستیان بەسەر ماشێنە پرایدەکەیشیدا گرتووە.
تا ئێستە زانیارییەکی ورد لە هۆکاری دەسبەسەری، ئەو تۆمەتانەی خراونەتە ئەستۆی و دۆخی ئەم هاوڵاتییە وەچنگ نەکەوتووە.
ق.ش
