ک.م.م.ک:
یەکشەممە ٥ی سەرماوەزی ساڵی ٢٧٢٣ی کوردی، بە پشتبەستن بە ڕاپۆرتی سەرچاوە ئاگادارەکان و کلیپەکانی کە لە لایەن خودی پەناخوازە گیرخواردۆکانەوە نێردراون، لە سنوورەکانی لیتوانیا و بیلاڕووس و پۆڵەندا و… کۆمەڵێک پەناخواز کە نزیکەی ٢٥ کەس دەبن و خەڵکی شارەکانی سەردەشت ، ورمێ، سەلماس و خوی-یەنە، چند ڕۆژێکە گیریان خواردووە و داوایان لە دامودەزگاکانی مافی مرۆڤ و چالاکانی مرۆیی کردووە ڕزگاریان بکەن و هاوکاریان بکەن.
پێویستە ڕوونی بکەینەوە کە، لە کلیپەکانی کە ناردراویانە، ئەم پەناخوازانە باسیان لە تەواوبوونی خۆراک و شەحنی(شاڕژی)مۆبایل و یەدەگەکانیان کردووە، هەروەها پۆلیسی سنووری ئەو وڵاتانەی ئاماژەیان پێکراوە ڕێگری لە چوونە ژوورەوەیان بۆ ووڵاتەکەیان دەکەن، بۆیە ئەگەر یارمەتی وهاریکاریان نەگاتؽیە بە جددی و بە زوویی مردنی بە کۆمەڵ هەڕەشەیان لێ دەکات.
ع – ر
