121
ک.م.م.ک:
ڕۆژی هەینی ١٨ی رەشەمەی ٢٧٢٣ی کوردی، هاووڵاتییەک بە ناسنامەی فایەق بێهینا خەڵکی سەقز، له هێڵی سنووری نەوسوو، ڕاستەوخۆ لەلایەن پاسەوانانی سنووریی ڕژێمی ئێرانەوە کرایە ئامانج و بە سەختی بریندار بووە.
جێی ئاماژەیه کە بەپێی وێنەی تیشکی ئەم هاووڵاتییە، زیاتر لە ٥٠ فیشەکی لە لای چەپی جەستەیەوە بەرکەوتووە و بۆ چارەسەری پزیشکی گواستراوەتەوە بۆ بنکەیەکی پزیشکی.
شایانی باسه، کە حکوومەتی دیکتاتۆر و داگیرکەری ئێران، بەردەوام هەموو سەرچاوە و ژێدەرە سروشتی و ئابوورییەکانی کوردستان تاڵان دەکات و بە بیانکی پەڕاندنەوەی کۆڵێکی چەند کیلوویی، ڕۆژانە بە گوللەباران‌کردنی چەوساوەترین و لاوازترین توێژی کوردستان، ژیانیان دەخاتە مەترسییەوە. ئەمە لە کاتێکدایه کە ڕژیمی ئێران، خۆی یەکێکە لە گەورەترین ترانزێتەکانی قاچاخی نێودەوڵەتی.
خ.ع
