ک.م.م.ک:
سێشەممە ٨ی جۆزەردانی ٢٧٢٤ی کوردی، هاوڵاتییەک بەناونیشانی زارا نەبیزادە خەڵکی مەهاباد پاش بانگهێشتی بۆ ئیدارەی ئیتلاعاتی حکوومەتی ئێران لەو شارە لەگەڵ منداڵە ٥ ساڵەکەی دەستبەسەر و بۆ زیندانی حکوومەتی ئێران لە ورمێ ڕاگوازرا.
شیاوی باسە کە تاکاتی بڵاوکردنەوەی ئەم هەواڵە، هیچ زانیارییەک لەمەڕ هۆکاری دەستبەسەری و ئەو تۆمەتانەی خراونەتە پاڵ ئەم هاوڵاتییە بەدەستەوە نییە.
جێی سەرنجە کە زارا نەبیزادە بەفرانباری ساڵی ڕابردوو لە ڕەوتی ڕاپەڕین، ناڕەزایی و مانگرتنی خەڵک بەرانبەر بە کوشتنی ژینا ئەمینی لەلایەن هێزە ئەمنییەکانی حکوومەتی ئێرانەوە لە مەهاباد دەستبەسەر کرابوو.
ق.ش