ک.م.م.ک:
بەپێی زانیارییەکانی ناوەندی هەواڵگری KMMK، شەممە ١٢ی ڕەشەمەی ٢٧٢٣ی کوردی، دوکتۆر داراب زوهری پزیشک و نووسەری خەڵکی سنە دوابەدوای ئەشکەنجە و سووکایەتییەکانی ئیدارەی ئیتلاعاتی ڕێژیمی ئێران پاش ئازادی دەستی دایە خۆکوژی کە لەڕێی فریاگوزاری بەکاتی هاوپیشەکانی ڕزگاری بوو.
شیاوی باسە، ئەم ئەندامە ناسراو و خۆشەویستەی کۆمەڵگای دەرمانی کوردستان، مانگی ڕابردوو بەبۆنەی بڵاوکردنەوەی بابەتگەلێک لە والی تایبەتی خۆی لەهەمبەر بایکۆتی هەڵبژاردنەکان، لەلایەن ئیدارەی ئیتلاعاتی ڕێژیمەوە دەستبەسەر و پاشان بەقورسی ئەشکەنجە و بێڕێزی پێکراوە.
جێی سەرنجە کە، جەستەی نیوەگیانی دوکتۆر زوهری لەلایەن هاوپیشەکانییەوە لە شوێنی پاوپۆن(کتێبخانە) ی نەخۆشخانە دۆزرابوویەوە کە بەهۆی پێڕاگەیشتنی بەپەلە لە مردنی خاترجەمی ڕزگاری بووە.
ق.ش