ک.م.م.ک:
بەپێی زانیارییەکان، یەکشەممە ٥ی سەرماوەزی ٢٧٢٣ی کوردی، ٣ کۆڵبەر بەناوەکانی محەممەد وەیسی خەڵکی سەقز، زاهر( ناوی بنەماڵەیی نادیار) خەڵکی بۆکان و کۆڵبەرێکی دیکە بەناوی ئەمیر محەممەدی خەڵکی گوندی کیسلە سەربە بەشی ناوەندی شاری سەلاسی باوەجانی لەلایەن هێزەکانی هەنگی سنووری هەنگەژاڵ و نەوسوود بە قورسی بریندار کران.
هەر لەم چوارچێوەیەدا، یەکشەممە ٦ی سەرماوەزی ئەمساڵ، کۆڵبەرێک بەناوی ئاریا مەعادی ١٧ ساڵ تەمەن و خەڵکی شاری بانە بەتەقەی ڕاستەوخۆی هێزەکانی هەنگی سنووری حکوومەتی ئێران لە سنووری هەنگەژاڵی بانە بریندار کرا.
بەگوێرەی هەواڵەکە، ئەم کۆڵبەرانە لەکاتی کۆڵبەری دەکەونە بۆسەی هێزەکانی هەنگی سنووری حکوومەتی ئێرانەوە و بەبئ هۆشداریپێدانی پێشوەختە تەقەیان لێدەکرێت.
شیاوی باسە، ئەم کۆڵبەرانە بەبۆنەی قووڵی برینەکانیانەوە بۆ چارەسەری پزیشکی بۆ ناوەندی دەرمان گوازراونەتەوە.
ق.ش
